Ինստիտուտի մասին

“Կոնֆուցիուսի ինստիտուտը” (ԿԻ) ստեղծվել է ՀՀ և ՉԺՀ կառավարությունների միջև ստորագրված համաձայնագրի շրջանակներում և գործում է 2009 փետրվար 26-ից` համաձայն Չինաստանի ԿԳՆ-նն առընթեր “Չինարեն լեզվի տարածման” գլխամասային գրասենյակի (Hanban), Երևանի պետական լեզվաբանական համալսարանի և Շանսիի համալսարանի միջև կնքված համաձայնագրի: Ներկայումս Կոնֆուցիուսի ինստիտուտը միակն է կովկասյան տարածաշրջանում:

ԵՊԼՀ-ի “Կոնֆուցիուսի ինստիտուտը” կոչված է բարձրացնել չինարեն լեզվի և մշակույթի իրազեկությունը, ամրապնդել համագործակցությունը Չինաստանի և Հայաստանի միջև:

Իր հիմնական գործունեությունը ԵՊԼՀ-ի ԿԻ-ը սկսել է 2009թ. մարտի 1-ից:
Չինարենի դասավանդումն իրականացնում է մանդարինյան չինարենով (պուտոնխուա)` օգտագործելով ընդունված չինական նշանները:

Մեկ տարվա ընթացքում ԿԻ-ն հաջողությամբ կազմակերպել և իրականացրել է մի շարք ծրագրեր: Օրեցօր ավելանում է չինարեն ուսուցանել ցանկացող ուսանողների քանակը:

“Կոնֆուցիուսի ինստիտուտն” ունի “Չինական մշակույթի փորձարարական կենտրոն” և մեծ գրադարան իր վիդեոդարանով, որը պարբերաբար թարմացվում է և ամբողջությամբ ուսանողների տրամադրության տակ է:

ԵՊԼՀ-ի ԿԻ առաքելությունը: “Չինաստանն ուսումնասիրելու համար մի ամբողջ կյանք է պետք, մեզ մոտ դա Ձեզ կհաջողվի շատ կարճ ժամանակում”:
Ինչ է մեզ ընձեռում ուսուցումը ԵՊԼՀ-ի ԿԻ-ում?
Չինարեն լեզվի ազատ տիրապետում
ԵՊԼՀ-ի ԿԻ իրականացնում է ամբողջական և անընդմեջ չինարեն լեզվի ուսուցում, դասընթացը սկսելով չինարեն լեզվի հիմքերից և ավարտելով լեզվի ազատ տիրապետմամբ` համապատասխան միջազգային ստանդարտի:

Ստաժ և ուսուցում Չինաստանի առաջատար բուհերում
ԵՊԼՀ-ի ԿԻ կազմակերպում է լեզվի բարելավման դասընթացներ  Չինաստանի Լավագույն ուսումնական հաստատություններում 2 շաբաթից մինչև 1 տարի:

Ծանոթություն Չինաստանի հարուստ մշակույթին
ԵՊԼՀ-ի ԿԻ ծանոթացնում է մասնակիցներին կալիգրաֆիայի հիմունքներին, մարտական արվեստին և այլն:

Ծանոթություն ավանդական և ժամանակակից չինական հասարակությանը
Դասախոսություններ Չինաստանի պատմության, մշակույթի վերաբերյալ հնարավորություն է ընձեռում շատ գիտելիք ձեռք բերել Չինաստանի մասին:

Հագեցած և բազմազան մշակութային կյանք
Կոնֆերանսներ, սեմինարներ, ցուցահանդեսներ, միջոցառումներ, չինական մշակութային փառատոններ: Ամեն ոք ի զորու կլինի կիրառել իր ձիրքը:

Մենք դարձնում ենք ինստիտուտը այնպիսին , որտեղ մենք ինքներս կցանկանայինք սովորել:
Մենք մեր գործի նվիրյալներն ենք, մեզ դուր է գալիս ուսումնասիրել Չինաստանը: Մեզ հաճելի է աշխատել կրթության ոլորտում: Ամենակարևորը կայանում է նրանում, որ մենք սիրում են մեր ուսանողներին, այդ պատճառով էլ աշխատում ենք բարեխիղճորեն: Ուսուանելով ԵՊԼՀ-ի ԿԻ Ձեզ համար կլինի դյուրին և հաճելի:

Ապրիլի 11-ին պաշտոնական այցի շրջանակներում ԵՊԼՀ-ի Կոնֆուցիուսի Ինստիտուտ էր այցելել Չինաստանի Ժողովրդական Հանրապետության կոմկուսի կենտկոմի քաղբյուրոյի մշտական հանձնաժողովի անդամ Լի Չանչունը: Պարոն Լի Չանչունը նվիրաբերեց Կոնֆուցիուսի կիսանդրին և հատկացրեց 10 կրթաթոշակային տեղ մեկ ուսումնական տարվա և հավելյալ 20 տեղ  4 շաբաթյա ծրագրի համար:

www.youtube.com/watch?v=o4Lppd_D3gU

Կազմը